Kontrakt raqami: 4498, 08.09.2017 yil
Mamlakat: O‘zbekiston
Mamlakat ichidagi joylashuvi: Toshkent
Boshlanish sanasi: 08.09.2017 yil
Yakunlanish sanasi: loyihalash bosqichida

Bu “O‘zog‘irsanoatloyiha” AJ va Fransiyaning Wilmotte & Associes Architectes arxitektura byurosining qo‘shma loyihasidir. Binoning an’anaviy uslubdagi fasadlari va tashqi ko‘rinishi o‘zbek byurosi tomonidan ishlab chiqilgan “Karat Project”loyihasidir.

Biz binoning umumiy texnologiyasini va muzey texnologiyasini ishlab chiqayotgan edik, bizning sheriklarimiz esa M. K. 3 – muhandislik tizimlarini ishlab chiqdilar. Barcha xonalar zamonaviy uskunalar bilan jihozlangan, ba’zilari esa - MDH mamlakatlari uchun noyob jihozlar bilan ta’minlangan. Islom sivilizatsiyasi - bu insoniyat jamiyatini rivojlantirish jarayonida Islom diniga e’tiqod qiluvchi xalqlarning moddiy va ma’naviy madaniyati sohasida erishilgan yutuqlar majmuasidir. “O‘zbekiston Islom sivilizatsiyasi markazi” (keyingi matnda “ISM” deb yuritiladi), yangi qurilayotgan, alohida turgan ikki qavatli bino, yerto‘la qavati mavjud, rejada umumiy gabaritlari: 115,4 x 155,6 metr, taxminan 10 000 m² maydonda joylashadi va quyidagilarni  o‘z ichiga oladi:

• 100 mingdan ortiq qo‘lyozmalar, litografiyalar, arxiv materiallari to‘plamiga ega kutubxona, jamoatchilik, yoshlar va tadqiqotchilar uchun mutolaa zallari, qo‘lyozmalar laboratoriyalari, qo‘lyozmalarni raqamlashtirish va tiklash xonalari,
• Markaziy Osiyoda Islom sivilizatsiyasi tarixi muzeyi;
• Islom Akademiyasi;
• 300 o‘rinli xalqaro kongress-xoll;

Xattotlikka, muqovalar yasashga o‘rgatish, arab, fors, eskicha o‘zbek tili, turk, ingliz va lotin tiliga o‘rgatish bo‘yicha O‘quv markazi. Markaz binosida Islom Akademiyasi ham joylashib, u ma’naviy sohada oliy ilmiy kadrlarni tayyorlaydi. O‘lchamlari 115,4  x 158,6 m bo‘lgan 3 qavatli bino bo‘ylama o‘qi bilan sharq-g‘arbiy tomon yo‘nalgan, asosiy fasadi Qorasaroy ko‘chasiga qaraydi. Bino gorizontal platformaga-stilobatga o‘rnatilgan bo‘lib, 4 ta portal joylashgan fasadlar markazi bo‘yicha to‘rt tomondan kirib kelish yo‘llari ko‘zda tutilgan. Qorasaroy ko‘chasiga chiqadigan asosiy sharqiy portal Samarqand shahridagi Ulug‘bek Madrasasi portaliga o‘xshaydi, balandligi 28,7 m va unda ISM muzeyiga kirish joyi tashkil etilgan. Boshqa fasadlardagi boshqa uchta portalning balandligi 24,7 m. Hazrati Imom majmuasi (shimol) tomonidan Islom akademiyasiga kirish portali tashkil etilgan. Ushbu Shimoliy fasad tomonida ikkita yordamchi portallar ko‘zda tutilgan bo‘lib, ular orqali yerto‘la qavatidagi oshxonaga va kutubxonaning ma’muriy xonalariga borish mumkin. Janubiy portal orqali kutubxonaga, ilmiy markazga tashrif buyuruvchilar uchun kirish joyi tashkil yetilgan, ilmiy markaz va yordamchi portallar ISM ma’muriyati uchun kirish joyi va yerto‘la qavatida joylashgan restavratsiya ustaxonalariga kirish vazifasini bajaradi. Majlislar zaliga kirish Qorasaroy ko‘chasi qarshisidagi g‘arbiy portal orqali tashkil etilgan. Bino simmetrik kompozitsiyaga ega bo‘lib, uning markazida balandligi 60 m bo‘lgan gumbaz joylashgan, gumbaz ostidagi maydonda musulmonlarning Asosiy kitobi – Usmon Qur’onining asl nusxalaridan birini joylashtirish ko‘zda tutilgan. Bino atrofidagi hudud  obodonlashtirilmoqda, ko‘kalamzorlashtirilmoqda, sug‘orilmoqda, kichik me’moriy shakllar bilan ta’minlash ko‘zda tutilmoqda: skameykalar, urnalar, pergolalar va boshqalar. Markaz atrofida va hududida aylanma va kirish yo‘llari, piyodalar yo‘laklari, relef baland-past bo‘lgan joylarda – tayanch devorlari va o‘t qoplamali qiyaliklarni yaratish rejalashtirilgan. Shuningdek, yer osti va yer usti avtoturargohlarni tashkillashtirish ko‘zda tutilgan.
•    uchastkaning umumiy maydoni – 9.1 Ga
•    qurilish maydoni – 1.8 Ga
•    avtoyo‘llar va qoplamalar maydoni, shu jumladan stilobatlar – 3.8 Ga
•    ko‘kalamzorlar maydoni – 3.5 Ga
•    imoratlar zichligi – 20%
•    hududdan foydalanish koeffitsienti – 0.98
Bino bo‘yicha:
•    markazning gabarit o‘lchamlari – 115,4x158,6 m
•    qurilish uchastkasining maydoni – 9,1 Ga
•    markazda imoratlar qurilgan maydon – 15522 m²
•    markazning umumiy maydoni – 42666 m²
•    qurilish hajmi – 407250 m³
•    gumbazning balandligi – 58,05 m
•    gumbazning uchi bilan balandligi – 64,83 m